Kigwangalla ajipalia makaa CCM;Aitwa na Kamati ya bunge kujieleza

Mchakato wa kukusanya saini za wabunge za kutokuwa imani na Spika wa Bunge Anne Makinda, limeingia katika sura mpya baada ya Kamati ya Haki, Maadili na Madaraka ya Bunge, kumuweka kitimoto Mbunge wa Nzega (CCM), Dk. Khamis Kingwangalla, kwa zaidi ya saa tatu mjini Dodoma.

Dk. Kigwangala anakusanya saini za wabunge akitafuta kuungwa mkono katika hoja ya kutokuwa na imani na Makinda kwa madai kwamba amekuwa akikiuka kanuni za Bunge.

Hadi kufikia jana taarifa ambazo NIPASHE ilizipata ni kwamba wabunge 201 walikuwa wamekubali kusaini na kati yao 98 wanatoka CCM.Wengine ni kutoka CUF, NCCR Mageuzi na Chadema.

Kwa mujibu wa taarifa ambazo zililifikia NIPASHE jana jioni, Dk.Kigwangalla aliitwa na kamati hiyo inayoongozwa na Hassan Ngwilizi kuhojiwa.

Habari zinasema kamati hiyo ilimwita Dk. Kingwangala ili kujiridhisha kama alifuata taratibu zote kabla ya kuanza mchakato huo na baada ya kujiridhisha kama kanuni za Bunge zilifuatwa, jambo hilo litapelekwa Bungeni kujadiliwa na wabunge wote.

Kwa mujibu wa Kanuni ya bunge ya 137 kifungu cha 1,2,3 mbunge akitaka kufanya jambo kama hilo anatakiwa kuandika barua kwa Katibu wa Bunge na kueleza sababu za kufanya hivyo.

Taarifa zinaeleza kuwa kabla ya kuitwa, kamati hiyo ilimwandikia samanzi Dk. Kigwangalla.

Dk. Kigwangalla aliibua hoja ya kutokuwa na imani na Spika katika kikao cha wabunge wote cha kuelezea shughuli zitakazofanywa na Bunge katika mkutano wa 13, Oktoba 28.

Mbunge huyo alihoji sababu za Makinda kumteua Andrew Chenge (CCM-Bariadi Magharibi) kuwa Mwenyekiti wa kamati ya Bajeti wakati kanuni zinaeleza kuwa wenyeviti wa kamati hizo wanachaguliwa na wajumbe wa kamati husika.

Pia anadaiwa kuvunjwa kwa kanuni kwa kuwapa posho ya Sh.430,000 kwa siku wajumbe wa kamati hiyo wakati wajumbe wa kamati nyingine hulipwa Sh. 130,000 kwa siku.

Source:Nipashe Ijumaa

JWTZ WAMSAKA ASKARI ALIYEPIGA PICHA NA GODBLESS LEMA KATIKA MJI MDOGO WA MARERANI-MANYARA

JWTZ WAMSAKA ASKARI ALIYEPIGA PICHA NA GODBLESS LEMA KATIKA MJI MDOGO WA MARERANI-MANYARA.

Kwa ufupi

‘‘Kimsingi Jeshi linafanya uchunguzi wa kumtambua mtu huyo kama kweli ni askari,’’ ilisema sehemu ya taarifa ya Kurugenzi ya Habari na Uhusiano ya jeshi hilo ambayo iliyatilia shaka mavazi aliyokuwa amevaa mtu huyo kama ndiyo yanayotumiwa na jeshi hilo sasa.

 Mtu aliyejitambulisha kuwa askari wa Jeshi la wananchi wa Tanzania (JWTZ),kambi ya Monduli,Arusha akiwa na wabunge wa Chadema,Godbless Lema (Arusha Mjini) na Joshua Nassari (Arumeru Mashariki) baada ya kumalizika kwa mkutano wa hadhara uliohutubiwa na wabunge hao katika Mji mdogo Mererani,Simanjiro mkoani Manyara.  

WAKATI Jeshi la Wananchi wa Tanzania (JWTZ), likihaha kumtafuta aliyepiga picha na Mbunge wa Arusha Mjini (Chadema), Godbless Lema akiwa amevaa sare za jeshi hilo, mtu huyo ameibuka na kusema yuko tayari kufukuzwa kazi kuliko kuacha kuishabikia Chadema.

Kauli hiyo ya JWTZ imekuja baada ya jana, gazeti hili kuchapisha picha ya mtu huyo aliyejitambulisha kuwa ni askari wa JWTZ akiwa amepiga picha na Lema pamoja na Mbunge wa Arumeru Mashariki, Joshua Nassari, huku akiwa amenyoosha vidole viwili alama inayotumiwa na Chadema.

Baada ya taarifa hiyo, JWTZ lilitoa taarifa likieleza kushtushwa na tukio hilo na kusema kwamba linamtafuta mtu huyo kwa udi na uvumba ili kujiridhisha kama kweli ni askari wake.

‘‘Kimsingi Jeshi linafanya uchunguzi wa kumtambua mtu huyo kama kweli ni askari,’’ ilisema sehemu ya taarifa ya Kurugenzi ya Habari na Uhusiano ya jeshi hilo ambayo iliyatilia shaka mavazi aliyokuwa amevaa mtu huyo kama ndiyo yanayotumiwa na jeshi hilo sasa.

Taarifa hiyo ya JWTZ, ilisema ingekuwa rahisi kumtambua mtu huyo kwa kuangalia paji la uso lakini alilifunika ili asitambulike.

‘‘Pamoja na hayo, jeshi linamtafuta ili kumchukulia hatua za kinidhamu kutokana Kanuni za Majeshi ya Ulinzi likisema Sheria namba Nne ya Mabadiliko ya Nane katika Katiba ya Nchi ya mwaka 1992, Ibara ya 147(3), mwanajeshi yeyote hatakiwi kujihusisha na masuala ya kisiasa,’’ ilisema taarifa hiyo.

Mbali ya taarifa hiyo, Msemaji wa JWTZ, Kanali Kapambala Mgawe alisema endapo itabainika kuwa aliyevaa sare hizo ni mwanajeshi, moja ya hatua dhidi yake ni kufukuzwa kazi mara moja.

Mbali na hatua hiyo, Kanali Mgawe alisema kuanzia sasa, Jeshi limepiga marufuku mtu yeyote kuvaa sare zake katika mikutano yote ya siasa na atakayebainika atachukuliwa hatua kali za kinidhamu.

Kuhusu kitendo cha askari huyo kupiga picha na Lema, Kanali Mgawe alisema moja ya masharti muhimu ya askari anapiojiunga na jeshi ni kutambua na kutii sheria inayomzuia kujihusisha na masuala ya siasa na kwamba kitendo cha mtu huyo kimemshangaza na kumfanya amtilie shaka kama kweli ni askari aliyekamilika.

Msimamo wa mtuhumiwa:

Kwa upande wake, mtu huyo aliyejitambulisha kuwa ni askari wa Kikosi cha Chuo cha Mafunzo Monduli (TMA), mkoani Arusha, alisema ni bora afukuzwe kazi kuliko kunyimwa kujiunga na Chadema.

Akizungumza jana kwa sharti la kutotajwa jina akiwa Mirerani, Simanjiro mtu huyo alisema Chadema ni chama makini chenye uwezo wa kuongoza nchi kwani kinatetea wanyonge na kujali masilahi ya jamii.

U SHONE LIKE DIAMONDS 2012

BREAKING NEWZZZZ!!!!!!! LULU WA KANUMBA AACHIWA,X MASS NA MWAKA MPYA UNAKULA URAIANI

BREAKING NEWZZZZ!!!!!!! LULU WA KANUMBA AACHIWA,X MASS NA MWAKA MPYA UNAKULA URAIANI

Msanii wa filamu nchini elizabeth Michael(lulu) ambaye aalikamatwa kwa kosa la mauaji ya Msanii mwenzake Steven kanumba na kesi yake kuchukua muda mrefu sana hadi juzi ilipo ripotiwa kuwa amesomewa mashitaka ya kuua bila kukusudia,

Tetesi hai kutoka mahakamani zinadai kwamba ameachiwa kwa dhamana kwa sababu anahukumiwa kesi ya maaujai bila kukusudia.

Hukumu inayodaliw akutolewa asubuhi hii Tar 21/12/2012 ni kwamba hakimu ameruhusu Lulu kuachiwa kwa dhamana.

Kama ni kweli kwamba Lulu ameachiwa huru ni dhahili X mass na mwaka mpya Lulu atakula akiwa uraiani

TAARIFA KAMILI ZA UKWELI WA HABARI HII KUKUJIA HIVI PUNDE

Mbunge wa Arusha mjini Godbless lema ameshinda rufaa yake ya ubunge.

Habari zilizotufikia hapa mtandaoni kutoka kwa mtu wetu aliyepo mahakamani ni kwamba Mbunge wa Arusha mjini Godbless lema ameshinda rufaa yake ya ubunge.

Rufaa hiyo ilikuwa inasikilizwa mahakama kuu ya rufaa jijini Dar es salaam.Kwa maaana hiyo ni kwamba lema kwa sasa atakuwa mbunge halali wa arusha mjini.

Ikumbukwe lema alisimamishwa ubunge wake kupitia kesi iliyofunguliwa kwamba wakati wa kampeni zake alitoa lugha isisiyotakiwa kwa mgombea wa ccm.

CCM yalaani shambulio la tindikali dhidi ya Sheikh Fadhili Soraga

Katibu wa Mufti wa Zanzibar, Sheikh Fadhil Soraga akitolewa katika Chumba cha Huduma ya Kwanza katika Hospitali ya Mnazi Mmoja baada ya kurushiwa Tindikali na watu wasiojulikana wakati akifanya mazoezi huko katika Kiwanja cha Mwanakwerekwe.

Chama Cha Mapinduzi kinasikitishwa na kitendo cha kinyama alichofanyiwa Sheikh Fadhili Soraga cha kumwagiwa tindikali sehemu ya uso na kifuani. Sheikh Soraga ni mtu maarufu hapa Zanzibar kwani huwa anashiriki katika shughuli mbali mbali za kidini hapa nchini, yeye ni Katibu wa Mufti Mkuu wa Zanzibar. Sheikh Soraga amefanyiwa unyama huo na watu wasiojuulikana wakati akitoka kwenye mazowezi ya viungoasubuhi ya leo.

Sheikh Soraga ni miongoni mwa masheikh wachache hapa zanzibar wenye kuheshimika na kueleweka. Hivi karibuni Sheikh Soraga alitoa hutuba nzuri na fasaha kwenye sala ya Eid-Haji juu ya kuimarisha amani na utulivu katika visiwa vyetu vya Zanzibar na Tanzania kwa ujumla. Khutba hiyo aliitoa mbele ya viongozi wakubwa wakitaifa waliohudhuria katika sala hio, miongoni mwa viongozi hao ni pamoja na Rais wa Zanzibar na Mwenyekiti wa Baraza la Mapinduzi Mh. Dk. Ali Mohamed Shein, Makamo wa kwanza wa Rais wa Zanzibar Maalim Seif Sharifu Hamadi, Rais Mstaau wa awamu ya sita wa Zanzibar Dk. Amani Abeid Karume .a viongozi wengine kadhaa.

Siku hiyo hiyo katika Baraza la Iddi lililofanyika katika Ukumbi wa Salama Bwawani Sheikh Soraga wakati akitoa khutba ya utangulizi aliwaasa tena wazanzibari na watanzania kwa ujumla juu ya umuhimu wa amani, lakini katika hafla hiyo Sheikh Soraga alikwenda mbali zaidi kwani alitoa takwimu za hasara iliyoipata Serikali ya Mapinduzi ya Zanzibar na Jamhuri ya Muungano, mashirikaya watu binafsi na ya Umma, taasisi za Kidini pamoja na vyama vya Siasa hasa Chama Cha Mapinduzi kufuatia vurugu mbali mbali zilizokuwa zikifanywa na Uamsho.

Vitendo vya kumwagiwa watu tindikali hapa Zanzubar vimeanza siku nyingi. Kama tutakumbuka mnamo mwaka 1995 Kada wa Chama Cha Mapinduzi ndugu Ali Mwinyi Msuko alimwagiwa tindikali na watu wasiojuulikana huko Wete Pemba, mwaka 2007 wakati zoezi la uboreshaji wa Daftari la Kudumu la Wapigakura huko Pemba Sheha mmoja alimwagiwa tindi kali, na mwaka uliopita Ndu. Rashid Ali Juma Mkurugenzi wa Baraza la Mji wa Zanzibar nae alimwagiwa tindikali na watu wasiojuulikana na leo hii Sheikh Fadhil Soraga Katibu wa Mufti Muu wa Zanzibar nae amemwagiwa tindikali pia na watu wasiojuulikana.

Chama Cha Mapinduzi kinasema kimechoka kusikia vitendo hivi vya kinyama vya kumwagiwa watu tindikali na watu wasiokuulikana. Tunaviomba vyombo vya Dola kuwatafuta watu hawa waovu wasio na huruma na wenzao ili wakamatwe waweze kufikishwa kwenye vyombo vya Sheria, na kama Jeshi letu la Polisi uwezo wake ni mdogo wa kuuwafichua wahalifu hawa basi ni vyema wakaomba msaada kwenye vyombo vya upelelezi vya Kimataifa kama vile INTAPOL.

Mwisho Chama Cha Mapinduzi kinawaomba wananchi wote wapenda amani na utulivu kumuombea duwa Mwalimu wetu Sheikh Fadhil Soraga Mwenyezi Mungu ampe moyo wa subira yeye na familia yake na amjaalie wepesi ili apone haraka. Sheikh Soraga hivi sasa amesafirishwa kupelekwa Muhimbili kwa Matibabu zaidi.

“KIDUMU CHAMA CHA MAPINDUZI’
MAPINDUZI DAIMA
Issa Haji Usssi Gavu
Katibu wa Kamati Maalum ya NEC
Idara ya Itikadi na Uenezi
ZANZIBAR
06/11/2012

Mauaji ya Barlow: Mtuhumiwa alihudhuria mazishi, akamatwa na vielelezo

POLISI mjini Mwanza imebaini kuwa mmoja wa watuhumiwa wa mauaji ya aliyekuwa Kamanda wa Polisi Mkoa wa Mwanza, Liberatus Barlow, alikwenda kuaga mwili wa Kamanda huyo katika uwanja wa Nyamagana sambamba na wananchi wengine.
Kaimu Kamanda wa Polisi wa Mkoa wa Mwanza, Lily Matola jana alimtaja mtuhumiwa huyo kuwa ni Abdallah Petro ‘Ndayi’ (32) mkazi wa Mjimwema mjini hapa ambaye anashikiliwa Polisi.
Kwa mujibu wa Kamanda Matola, Petro mbali na kutajwa kuhusika na mauaji hayo, pia anadaiwa kuwa na rekodi ya kufungwa miaka 30 jela katika gereza la Butimba kwa unyang’anyi wa kutumia silaha mwaka 2006.
Alitoka gerezani mwaka 2010 baada ya kukata rufaa Mahakama Kuu ya Tanzania. Petro pia imebainika pia kuwa ni mdogo wa mtuhumiwa wa kwanza katika kesi hiyo, Muganyizi Peter.
Vielelezo vyakamatwa
Kamanda Matola alisema mbali na kuwa na uhusiano huo, Petro na mtuhumiwa mwingine, Abdurahim Ismail Athuman ‘Dula’ (28) mkazi wa Mkudi Ghana, pia mjini hapa, baada ya kukamatwa kwa nyakati tofauti Mjimwema na Kilimahewa mwishoni mwa wiki, waliwapeleka polisi mahali walikoficha baadhi ya mali za marehemu.
Mali wanazodaiwa kuonesha polisi ni pamoja na redio ya mawasiliano ya Polisi na funguo za gari alilotumia kamanda Barlow siku ya tukio la mauaji yake.
Kamanda Matola alisema watuhumiwa waliwapeleka polisi katika shimo la majitaka kwenye maeneo ya Nyanshana, jijini Mwanza walipokuwa wameficha vitu hivyo.
Mkuu wa Upelelezi wa Makosa ya Jinai, Joseph Konyo alisema watuhumiwa baada ya kutimiza uhalifu, walitenganisha redio hiyo ya mawasiliano ili isipatikane.
“Damu ya mtu haipotei bure, hayo yote ni pamoja na Mungu mwenyewe, kwani sisi peke yetu hatuwezi, wananchi mmetusaidia sana,” alisema Kamanda Konyo.
Baada ya kuonesha polisi vitu hivyo ambavyo sasa vimechukuliwa kama vielelezo katika kesi ya mauaji ya Barlow, Kamanda Matola alisema watuhumiwa hao walipekuliwa na kukutwa pia na kadi tatu za simu za Vodacom na Airtel, simu ya mkononi, viatu vya ngozi na begi dogo.
Pia walikutwa na kofia mbili za kijeshi aina ya bereti; moja ikiwa ya Polisi na nyingine ya kampuni ya binafsi ya ulinzi, sare za kampuni ya ulinzi, mtarimbo, bisibisi, mapanga, televisheni mbili, sub-hoofer na deki.
Alisema walipohojiwa, walidai wamekuwa wakihifadhiwa na Ryoba Matiku ‘Mama Nyangi’ katika eneo la Nyakabungo Miembeni ambako mipango yote ya uhalifu imekuwa ikisukwa. Mama huyo anashikiliwa pia kwa mahojiano.
via gazeti la HabariLeo